Доколку не сакате да ја изложувате косата на агресивни агенси и хемикалии, а би сакале да имате посветла коса, задолжително испробајте ги овие научно докажани природни трикови.
За да ја осветлите косата барем за една до две нијанси, не е неопходно да поминете часови во фризерски салон и да ставите бланш.
Сепак, природата дала многу интересни и едноставни решенија, кои речиси ништо не чинат и не ја оштетуваат косата.
Осветлување со мед
Дали знаевте дека медот содржи мала количина на водород пероксид? Според некои истражувања, тој е одговорен за антибактериското дејство на медот.
Дополнително, може да ви помогне да ја осветлите косата, а медот е одлична природна состојка за оваа процедура бидејќи секако не и штети на косата, туку ја храни и хидрира.
Како да се користи? Измешајте мед со млака вода за полесно да се нанесува и да не ви се залепи косата по плакнењето. Нанесете на косата од коренот до врвовите, како да се фарбате, па покријте ја со кеса и оставете ја да отстои преку ноќ. Измијте ја косата со шампон двапати наутро и добро исплакнете ја.
Осветлување со лимон
Како и другите цитрусни овошја, лимонот содржи лимонска киселина, која е „природен избелувач“, па затоа се користи за белење на ткаенини, а во козметиката има улога да ги осветлува темните дамки и пегите.
Затоа е одлична природна состојка за постепено осветлување на косата, а ќе ви помогне и да се ослободите од вишокот природни масла, да го ублажите себороичниот дерматитис, да го намалите чешањето, иритацијата, лупењето на кожата и слично.
Често се користи во текот на летото на плажа, кога комбинација од лимонска киселина и сончеви зраци, многу природно извлекуваат прамени, но не ви требаат летните месеци и денот на сонце за да ја искористите моќта на лимонот.
Како да се користи? Во шише со распрскувач измешајте 40 милилитри топла вода со 160-180 милилитри сок од лимон и добро попрскајте. Ако имате сува коса, додадете неколку капки масло за коса или регенератор во оваа течност. Оставете да делува најмалку два часа (идеално на сонце, но не е неопходно) и потоа исплакнете.
Осветлување со мед и цимет
Овие два споменати природни осветлувачи за коса ќе бидат уште поефикасни доколку ги измешате и додадете цимет во нив! Кога ќе се направи мешавина од овие состојки, се случува нешто магично: малата количина на водород пероксид во медот силно се активира поради присуството на цимет, а кога ќе ги нанесете заедно на косата, вашата коса може да осветли дури за две нијанси.
Како да се користи? Измешајте две лажици мед и една лажица цимет, а за дополнителна хидратација и „хранење“ на косата пожелно е да додадете една лажица маслиново масло. Сè добро измешајте, а ако смесата е премногу густа, додадете малку регенератор или балзам за коса и оставете го во садот околу половина час за да се активираат состојките. Потоа нанесете ја смесата на вашата коса, направете пунџа и покријте ја со кеса или капа за туширање. Оставете да отстои најмалку четири часа, идеално преку ноќ, а потоа добро исплакнете.