Дали некогаш сте се запрашале кој ги измислил танга гаќичките или зошто копчињата на машките кошули се наоѓаат десно, а женските лево? Дознајте интересни факти за потеклото на модните додатоци со кои секојдневно се среќаваме
За настанувањето на танга гаќите е одговорен мажот. Станува збор за поранешниот градоначалник на Њујорк, Хенри Фиорел ла Гвардија, кој раководел со најголемиот град во САД на почетокот на 20тиот век.
Присуствувајќи на шоу со егзотични танчерки, што било типично за забавата во тоа време, Ла Гвардија бил зачуден кога видел дека тие не носат ништо под фустаните. Им наредил да носат долна облека за да ги покријат барем интимните делови. Тогашните кројачи се фатиле за работа и дизајнирале долна облека која ќе покрива интимни делови, но нема да биде впечатлива. Така настанале танга гаќите.
Ако не сте знаеле…
Женското и машкото закопчување настанало од практични причини. Низ историјата, мажите се облекувале сами, а повеќето од нив се десничари, а од друга страна, жените во Викторијанското време често биле облекувани од слугинките, на кои им било полесно закопчувањето на копчињата кои се наоѓаат на левата страна.
Чевлите на платформа, кои одвреме-навреме се враќаат на сцената, првично биле дизајнирани да ги одржуваат вашите стапала чисти и што подалеку од нечистотија, а во Венеција станале модерни дури во 14 век.
Манжетните се појавиле во 19 век бидејќи во тоа време мажите носеле кошули со штиркани јаки и рабови на ракавите. Бидејќи биле прилично крути, производителите мислеле дека затварач на ракавот би бил попрактичен за таков материјал отколку копчиња.
Така настанале манжетните, а копчињата на рабовите на ракавите ги „измислил“ Наполеон Бонапарта за да ги спречи војниците да си го бришат носот од ракавите.