Изминативе месеци речиси и да немаше прилика во која не видовме познати дами да носат ролки, а најинтересно е што најпопуларни беа наједноставните еднобојни модели! Меѓу нив дефинитивно омилен е класичнaта црна ролка, основно парче кое ни овозможува комбинирање на безброј начини и исто толку стилови.
Овој плетен џемпер со висок врат кој го покрива вратот или дел од него е безвременско парче кое ни дава примеси на носталгија и нè враќа во деновите на безгрижноста – и во детството и во времето кога модата била многу поедноставна. Бидејќи станува збор за толку удобно и мило парче облека, не е ни чудо што многу брзо по враќањето на трендовите, таа ги маѓепса водечките инфлуенсери и ги преплави социјалните мрежи.
– Ролката создава силуета – вели дизајнерот Пјер Махео, кој работи за францускиот бренд Officine Générale. – Таа го истакнува лицето, додека останатото – исчезнува!
Како што истакна, тоа особено важи за црниот модел, кој го смета за „смокинг меѓу џемпери“.
Црната ролка несомнено ни се врати, но како да ја носиме? (Речиси) како и да ви падне на памет!
Меѓутоа, доколку сè уште не сте сигурни во која насока да одите, имаме неколку предлози …
Црна ролка + остатокот од комбинацијата во црно
Без разлика дали ќе изберете панталони, здолниште, црна кожна јакна, јакна или капут, овој вид на стајлинг е класика која нема наскоро да стане passé.
Црна ролка + животинско парче
Доколку сакате да ја зачините вашата целосно црна варијанта на облека со statement парче кое веднаш ќе ги сврти сите погледи кон вас, задолжително комбинирајте црно здолниште, чизми и чанта со едноставно миди здолниште со ефективен животински дизајн. Секому ќе му изгледа одлично, но леопардот и зебрата дефинитивно ќе обезбедат контраст кој треба да ви остави впечаток.
Црна ролка + светли фармерки
Без разлика дали избирате црни чевли и капут или не, црните ролки како „сојузници“ најмногу им одговараат на панталоните од полесни фармерки, бидејќи оваа комбинација остава впечаток на избалансиран аутфит.
Црна ролка + карирана сукња
Изберете панталони или здолниште со светли бои и карирани дезени и ќе постигнете изглед за десетка!
Црна ролка + полесен блејзер
Опциите се најразлични: од јакни со струк со лимон-жолта, преку класично сиво, па се до блејзери со дезен… Доколку вашата црна ролка ја комбинирате со сако, особено ако е во посветла нијанса, ќе постигнете издание кое зрачи елеганција.