Сопругата на принцот Вилијам, Кејт Мидлтон, вчера ги посети просториите на добротворната организација „Принцовата Фондација“ во Лондон, на чело со нејзиниот свекор принцот Чарлс, во друштво на него и неговата сопруга Камила Паркер.
Ова трио беше првпат заедно да изврши некоја кралска должност, а сите беа расположени и елегантни, но Кејт повторно освои најмногу симпатии и украде најголемо внимание од модната јавност.
Војвотката од Кембриџ за оваа пригода избра еден од своите стари фустани, кој го носела неколку пати, а се работи за фустан со потписот на модната куќа Кетрин Вокер. Станува збор за сив фустан со долги ракави и А-крој, кој го краси многу впечатлива црна јака, еден од омилените детали на Кејт Мидлтон во последно време.
Споменатиот фустан наречен Josie е тесен во горниот дел, а се шири од колковите и паѓа во форма на полуплисирана сукња што му дава волумен. И покрај ваквиот впечатлив долен дел, силуетата е строго скроена и има остри линии, а ова е уште едно парче во нејзината гардероба кое несомнено е безвременско. Овој малку конзервативен фустан Кејт го надополни со ремен во иста нијанса и црна шнола, што дополнително ја истакна нејзината половина и витката фигура, а сè надополни со црни чорапи и преголеми кожни салонки на Tod’s и блок штикла.
Овој фустан е најпопуларен во светло сината верзија и се рекламира без ремен, но Кејт нашла одличен и многу суптилен начин да го направи поинтересен и поженствен.
Сопругата на принцот Вилијам донесе и минијатурна чанта Амберли од Mulberry со ефект на крокодилска кожа, секако црна, а накитот е неизбежниот веренички прстен со сафири, најпознат во светот.