Британската војвотка Кејт Мидлтон е позната по својот полиран моден израз кој е беспрекорен за секоја протоколарна пригода, а изгледа неодамна почна малку да експериментира со некои класични, но шик парчиња кои внесуваат малку ноншалантност во понекогаш строгите модни комбинации.
За време на нејзината посета на PACT (Parents and Children Together) во Лондон, таа носеше многу едноставна комбинација: тенок црн плетен топ, тесни црни панталони со крокодилски појас, црни салонки Џанвито Роси, пристоен накит и ретро сива карирана јакна – спремни за секоја пригода.
Оваа комбинација која лесно можеме да ја замислиме во комбинација со балерини на романтичните улици во Париз не е единствениот чекор надвор на војвотката од „комфорната зона“. Неодамна ги замени своите потпетици со средна висина со чизми со шило над коленото што ги носеше под развиорениот миди фустан на Дерек Лам со леопард дезен.
Својот афинитет кон француската класика го покажа и носејќи црна долчевита под сино палто, со црни ѕвонести панталони кои моментално се тотално „ин“, а комбинацијата ја надополни со необични сребрени сјајни обетки. А за целосен француски впечаток недостигаат само шишки!