Таа објасни дека кога ќе се облечете и изгледате добро, во исто време се чувствувате добро
Познатата пејачка Ријана беше мета на критики поради тоа што го покажа трудничкиот стомак во облека што не го покрива.
Откако доби критики за нејзиниот стил на облекување, кој често вклучува и покажување на стомакот, Ријана одговори дека овој начин на облекување и помага да се чувствува подобро.
Од моментот кога му соопшти на светот дека е бремена, пејачката со потекло од Барбадос не престанува да го покажува трудничкиот стомак, што многумина не го гледаат како позитивен пример.
– Уживам што не морам да се грижам за покривање на стомакот. Ако се чувствувам малку буцкасто, не е важно. Тоа е бебето! – објасни Ријана во интервју за магазинот „People“.
Таа додаде дека модата и дала голема самодоверба додека се подготвува да стане мајка за прв пат.
Таа објасни дека кога се облекувате и изгледате добро, во исто време се чувствувате добро.
– Колку пати сум го слушнала тоа, но вистина е. Тоа навистина може да те подигне од каучот и да направи да се чувствуваш подобро – додаде таа.