Едноставно и лесно отстранете ги работите кои ја нарушуваат хармонијата во вашиот дом
Хармонијата и позитивната енергија се она што мора да владее со вашиот семеен дом. Во спротивно, не можете да очекувате среќа и радост меѓу членовите на семејството. Мора да ги решите овие три работи и само позитивна енергија и добри вибрации ќе се вселат во вашиот дом.
Валканите алишта во аголот на собата
Ова е една од првите работи на кои експертите за фенг шуи секогаш предупредуваат кога ќе ги забележат во куќата. Можеби е најлесно да се фрли валканата облека на подот во аголот од собата, но треба да знаете дека на тоа место се одлива и позитивната енергија од дома.
Во секое семејство треба да има простор каде што ќе се чуваат валкани алишта за перење – подобро е да имате корпа за тоа во тоалетот отколку валкани чорапи во аглите на собата.
Чевли наредени пред вратата
Без разлика пред која врата од куќата се наредени, чевлите се вистински „енергетски правосмукалки“, особено ако се валкани. Чувајте ги затворени во внатрешноста на плакарот за чевли.
Куп стари весници, списанија, хартии и книги
Фрлете ги весниците во ѓубре или собирајте ги некаде во оставата, па веднаш штом ќе ги прочитате дајте ги на рециклирање. Ако собирате списанија или книги, чувајте ги на полици, а не на подот или аголот од собата. Расфрлани низ просторот, овие предмети ќе донесат лоша енергија.