Нашироко се препорачува помал оброк помеѓу главните оброци, со цел да се одржи здрав метаболизам.
Австралиската диететичарка Сузи Бурел вели дека главна цел на овие грицки е да ја одржат ситоста 2 до 3 часа, а на телото и на организмот да му обезбедат дополнителни хранливи материи.
Галетите од ориз во последно време стануваат се попопуларни, а ги купуваат луѓе на диета, но и приврзаници на здрав начин на живот.
Сепак, Бурел вели дека тие не се најдобриот избор кога се во прашање грицките. Проблемот со оризовите бисквити и крекери е што не ги содржат потребните и корисни хранливи материи.
– Тие се чисти јаглехидрати, а десет помали парчиња содржат јаглехидрати исто колку и две кришки сладолед. Ако го изедете целото пакување, ќе изедете само повеќе од 100 грама јаглени хидрати. Нивото на гликоза во крвта ќе се зголеми, а потоа нагло ќе опадне“, рече Сузи.
Таа советува наместо тоа да јадете една од следниве комбинации:
1. Шумско овошје и грчки јогурт
Антиоксидансите од бобинки и калциумот од јогуртот се совршена комбинација на хранливи материи. Јогуртот содржи мала количина шеќер, а неговите својства го намалуваат нивото на гликоза во крвта.
Овошјето е исто така богато со влакна и содржи многу малку калории.
2. Наут или грав
Двете намирници се многу богати со протеини. Бурел вели дека една шака од наведените намирници е доволна за квалитетна ужина која ќе ја одржува ситоста.
3. Плочки од житарки и јаткасти плодови
Енергетските барови од јаткасти плодови го намалуваат апетитот и го регулираат нивото на шеќер во крвта.
4. Сирење и крекери
Сирењето е многу богато со калциум, магнезиум и протеини. Кога се комбинира со јаглехидрати од крекери, тоа е совршено избалансирана закуска која долго време ја одржува ситоста.