Постојат голем број совети за шминкање кои се од голема корист за жените, но постојат и митови за шминкање во кои повеќето жени сè уште веруваат, а не треба
- Секогаш мора прво да нанесувате коректор под очите
Ова не е погрешно, но не е задолжително да се оди по тој редослед. Доколку сакате да заштедите време и да постигнете беспрекорен изглед на кожата, тогаш прво нашминкајте ги очите.
Бидејќи правот може да се најде и на други делови од лицето при нанесување на сенката, особено под очите, овој пристап е поедноставен.
Кога ќе завршите со шминкањето на очите, едноставно избришете ја пудрата со влажна крпа, а потоа нанесете подлога и коректор. На овој начин пудрата нема да се залепи за коректорот, па очните капаци нема да изгледаат потемни отколку што се, пишува Zadovoljna.hr.
- Темните веѓи им стојат добро на сите
Дебелите и темни веѓи стануваат се попопуларни, но тоа не значи дека на сите им стојат. Секој од нас има различни веѓи и треба да се прилагодиме на тоа, а не да ги следиме трендовите.
Природната форма на веѓите секогаш можете да ја истакнете така што ќе ги пополните и ќе ги затемните за неколку нијанси од нивната природна боја, но не претерувајте бидејќи вашите веѓи воопшто нема да изгледаат природно.
- Шминката е лоша за кожата
Многу е лесно да се обвинува шминката за секоја реакција на кожата.Но, исто така е важно добро да се грижите за вашата кожа. Тоа вклучува правилна исхрана, секојдневно чистење на лицето, задолжително отстранување на шминката пред спиење и често чистење на четките за шминкање.
Исто така, повеќето производи имаат формули кои се дизајнирани да не ги затнуваат порите, односно да ја одржуваат кожата проѕирна и по нивното нанесување.