Одлична помош за отстранување и на најтврдоглавите дамки
Кога другите средства не помагаат, а упорните дамки не сакаат да исчезнат, решението е пастата за заби.
Ако не сте знаеле, освен за миење заби, можете да ја користите на многу начини.
За сè да биде поинтересно – таму каде што скапите средства за чистење не се ефективни, тука е пастата.
Дамки на чевли
Само ставете малку паста на влажна крпа и исчистете ги чевлите.
Го извлекува мирисот од бебешките шишенца
Киселиот мирис на млеко понекогаш е тешко да се извлече со вриење, но комбинацијата од топла вода и паста за заби ќе делува. Добро исплакнете.
Ги чисти кредите во боја и боичките од ѕидот
Не паничете откако децата ќе почнат да чкртаат по ѕидот. Едноставно ставете малку паста на влажна крпа и нежно исчистете.
Сјај за хромирани површини
Пастата за заби совршено ќе ги исполира славините и држачите за туширање. Потоа само исплакнете.
Ги смирува убодите од комарци
Следниот пат кога ќе ве касне комарец, нанесете малку паста за заби. Ќе престане да ве чеша и ќе ја смири кожата.
Ги чисти дамките на тепихот
Ставете ја пастата директно на дамката и тријте со четка. Исплакнете малку, па повторете додека не исчезне дамката.
Исчистете го мијалникот
Ако ви капнала паста додека ги четкате забите, искористете ја – одлична е за миење на лавабото. Земете сунѓер, истријте и исплакнете – ќе изгледа совршено.