Губењето на колаген поради влијанието на сонцето и слободните радикали предизвикува зголемено истенчување на и онака тенката кожа во пределот на деколтето, а резултатот е губење на волуменот и појава на брчки. Како да се спречи или барем да се забави процесот?
Пред неколку години, во однос на анти-ејџ практиките на Џенифер Лопез, таа кажа дека спие опкружена со перници и обично на грб – за ништо да не се ‘стутка’ во текот на ноќта и брчките под влијанието на возраста и гравитацијата. Но, тренирањето на пози за спиење не е единствениот начин да се грижиме за деколтето против стареење, туку тоа треба да го правиме и во текот на денот.
За почеток, како и секој пат кога зборуваме за нега на кожата и превенција од брчки – заштитен фактор. Заштитата од сонце можеби е последниот чекор во негата на кожата, но во никој случај не е ирелевантна. Затоа, кога излегуваме на сонце во топ или фустан со подлабоко деколте, „задолжителна“ е кремата со заштитен фактор.
Исто како кога го негуваме лицето наутро и навечер, таа нега треба да ја ’прошириме’ и на вратот и деколтето. Се препорачува повремена употреба на пилинг, а задолжителна е и редовна хидратација.
Што се однесува до препаратите, постојат специјално дизајнирани за кожата на вратот и деколтето, но за почеток доволно е да бидат хидратантните креми кои ги користиме на лицето и производите со антиоксиданси како што се витамините Ц и Е.
За подлабоки брчки, дерматолошки третмани, како ласер или микронидлинг, кои го стимулираат производството на колаген се исто така опција.
Што се однесува до ноќната нега, постојат специјални инсерти кои создаваат празнина, но и силиконски „маски“ кои ја обновуваат кожата навечер и спречуваат понатамошни брчки. Но, ако сè уште не сме во таа фаза, доволно е да се обидеме да спиеме на грб и да запомниме дека, кога зборуваме за нега на кожата, нашата нега на кожата на лицето не завршува со брада, туку со деколте.