Саманта ја тужи својата полусестра Меган за клевета поради интервјуто што и го дала на Опра Винфри со нејзиниот сопруг принцот Хари во март 2021 година, пишува TMZ.
Во 2021 година, Саманта објави автобиографија во која се зборува за сè, насловена како „Дневникот на сестрата на принцезата“. Во тужбата таа сега тврди дека некои од работите што Меган ги кажала за неа „нанеле штета на продажбата на нејзината автобиографија, ја спречиле да се вработи и предизвикале емоционален и ментален стрес“, наведува ТМЗ.
Тврдела дека Томас ѝ платил на Меган да посетува „елитни и скапи приватни училишта“, додека војвотката изјавила дека таа работела сама за да го плати своето образование. Војвотката рекла и дека поминале „најмалку 18, 19 години“ откако не ја видела својата сестра, што Саманта тврди дека не е вистина.
– Обвинетата не била принудена на 13 години да работи на ниско платени работни места за да врзе крај со крај; обвинетата посетувала елитни и скапи приватни училишта и часови по танц и глума во Лос Анџелес платени од нејзиниот татко. Томас Маркл ѝ го платил и колеџ образованието во Нортвестерн, вклучувајќи школарина, кирија и трошоци за живот, па дури и позајмувала пари за да ги покрие трошоците – тврди Саманта.