Овие кифлички со сирење и спанаќ (или само една од овие две состојки, ако сакате) се направени едноставно, од евтини состојки и воодушевуваат со вкусот. Тие се одличен предлог за појадок, вечера или сервирање, а толку се меки што се топат во устата.
Состојки:
* како мерка користете шолја јогурт од 180 грама
пакување кори
2 јајца
чаша јогурт
чаша млеко
половина чаша масло
сусам
200 грама сирење
спанаќ по желба
Подготовка:
Во поголем сад измешајте чаша јогурт и чаша млеко, па додадете масло. Додадете две белки (жолчките оставете ги на страна). Добро промешајте.
Првата кора посипете ја со филот, но не претерувајте. Втората кора посипете ја со околу три до четири лажици од филот. На третата се додава малку фил, а врз кората по целата должина се додава смесата со сирење и спанаќ (претходно посолете ја по вкус). Се виткаат.
Постапката повторувајте ја додека не се истрошат кората и смесата, па ставете ги во плех обложен со хартија за печење. Исечете ги ролатите на правоаголници.
На жолчките додадете две лажици од преостанатиот јогурт, млекото и филот со масло, измешајте, па премачкајте ги кифличките. Посипете со сусам.
Ставете ја тавата во загреана рерна и печете на 180 степени околу дваесет минути или додека убаво порумени.