Засега не е објавена причината за смртта на тапанарот.
Долгогодишниот харизматичен тапанар на бендот Фу Фајтерс, Тејлор Хокинс, почина во своите педесетти. Според светските медиуми, тој бил пронајден во хотелска соба во северниот дел на Богота. Бендот беше во Колумбија за да настапи на фестивалот закажан за петок навечер.
Засега не е објавена причината за смртта на тапанарот. Публиката која го чекаше настапот на Фу Фајтерс беше известена дека концертот е откажан поради „сериозната здравствена состојба“ на член на бендот.
Оваа трагедија се случи за време на турнејата во Јужна Америка, а последниот настап бендот го имаше минатата недела во Аргентина.
Тејлор Хокинс е вториот тапанар на „Фу Фајтерс“, тој го замени Вилијам Голдсмит, кој свиреше во бендот првите две години, од 1995 до 1997 година. „Фу Фајтерс“ беше основан од Дејвид Грол, кој стана познат како тапанарот на „Нирвана“, но во својот бенд пее и свири гитара. Хокинс изјави дека на аудицијата за „Фајтерс“ бил многу нервозен, бидејќи бил оценуван од еден од најдобрите тапанари во светот.