Непријатниот мирис на чевлите доаѓа од бактериите кои се намножиле во нив, па затоа најдобар начин да го неутрализирате е да ги елиминирате бактериите.
Постојат многу трикови кои можат да ви помогнат во тоа, а овие се покажаа како најефективни.
Мешавина од жалфија и лаванда
Доколку имате листови жалфија и гранчиња лаванда, можете да ги користите како средство за отстранување на непријатниот мирис од чевлите. Измешајте ги, па наредете ги во чевлите и оставете ги да отстојат преку ноќ, по можност на отворено место, за чевлите да бидат изложени на свеж воздух. Протресете добро наутро и ќе бидете воодушевени од ефектот.
Цитрус
Наместо да ја фрлате кората од портокал или лимон, задолжително зачувајте ја, па исечете ја на помали парчиња и оставете ја да отстои во чевлите преку ноќ. Отстранете ја кората наутро и не само што вашите омилени патики повеќе нема да мирисаат непријатно туку ќе мирисате на прекрасен мирис на цитрус.
Сода
Дали е можно да се состави список на корисни трикови за одржување на хигиената без сода бикарбона? Очигледно не!
Има огромна примена во домаќинството: се користи за отстранување на тврдоглави дамки, чисти ѕидови, плочки, дезинфекција на кади и многу повеќе, а можете да го користите и за избелување на забите или како пилинг за кожата.
Покрај сето тоа, оваа кралица на триковите „направи сам“ може да ви помогне и да ги неутрализирате непријатните мириси на чевлите. Се што треба да направите е да истурите една лажица сода бикарбона во чевлите, но внимателно и убаво да ја распоредите по целата влошка. Оставете да отстои преку ноќ, па добро протресете и ќе мириса како ново!