Актерот Езра Милер е уапсен во округот Хаваи поради недолично однесување и малтретирање.
Според полицискиот извештај, актерот предизвикал бунт и малтретирал гости во караоке бар во Хонолулу, Хаваи.
Милер извикувал пцовки и бил вознемирен кога луѓето почнале да пеат караоке. Актерот потоа го грабнал микрофонот од 23-годишна жена која пеела, а подоцна се фрлил на 32-годишен маж кој играл пикадо, пренесува „The Guardian“.
Сопственикот на локалот неколку пати го замолил Милер да се смири, но актерот не го направил тоа, соопшти полицијата.
Милер беше уапсен и обвинет за нарушување на мирот и малтретирање. Кауцијата била одредена на 500 долари, која актерот ја платил веднаш, па полицијата го ослободила.
Ова не е првпат актерот да прави хаос, во 2020 година на интернет се појавија видеа на кои се гледа како Милер дави жена во бар на Исланд. Тој го опишал изворот кој бил на лице место како сериозна кавга што довело до тоа Милер да биде исфрлен од барот од страна на персоналот.
