Многумина заборавија што направи во старите денови
Моментот кога Вил Смит му удри шлаканица на Крис Рок на Оскарите е нешто за што светската јавност зуи со денови. Сепак, ретко кој знае дека славниот комичар има конфликт со сопругата на актерот кој трае многу долго.
Имено, Рок ѝ се потсмеваше на Џејд пред шест години, кога реши да застане на страната на нејзиниот сопруг, кој не беше поканет на церемонијата на Оскар во 2016 година и повика на јавен бојкот на оваа церемонија на доделување.
Но, тоа не е сѐ. Во далечната 1996 година, Џејд беше една од учесниците на протестот „Марш на милион жени“, за време на кој заедно со други жени се бореше за правата на црните жени во Америка во еден од парковите во Филаделфија.
„Тука сум денес бидејќи ова е чин кој ја покажува силата на жените“, изјави Џејд, а Рок, исто така црнец, реши да ја исмее правејќи компилација во која Џејд наместо својот говор ѝ вика на публиката:
– Горете ги кучкините синови, горете ги!
Овој скеч Крис го покажа во втората сезона од своето шоу, целосно игнорирајќи ја целта на таквиот протест и игнорирајќи го проблемот со кој се соочуваат луѓето кои се исти како него, а со текот на годините само продолжи да ја напаѓа Џејд.