Вил Смит накратко ја коментираше за Си-Ен-Ен одлуката на Академијата да му забрани пристап до сите нивни настани, вклучително и Оскарите, во следните 10 години.
„Ја прифаќам и ја почитувам нивната одлука“, рече тој.
Да се потсетиме, Академијата вчера попладне излезе со соопштение за дисциплинската мерка што беше одлучена на седницата на УО, пишува „Индекс.хр“.
„Одборот одлучи дека од 8 април 2022 година, на г-дин Смит нема да му биде дозволено да присуствува на какви било академски настани или програми цела деценија, во живо или виртуелно, вклучувајќи ги и Оскарите.“
„Оваа акција што ја преземаме денес е одговор на однесувањето на Вил Смит и е чекор кон заштита на безбедноста на нашите изведувачи и гости и враќање на довербата во Академијата. Исто така, се надеваме дека со ова може да започне период на опоравување за сите вклучени и засегнати.”
Академијата се соочи со жестоки критики за начинот на кој се справи со инцидентот, а многумина се прашуваа зошто Смит не беше отстранет од театарот Долби откако го удри во Рок и пцуеше од своето место.
Во соопштението минатата недела, организацијата рече дека Смит бил „замолен да ја напушти церемонијата, но тој одбил“. Подоцна се појавија деманти на ова тврдење, па дури и претставникот на Смит тврдеше дека Академијата не побарала ништо од него.