Пејачката Ријана ужива во бременоста и гордо го покажува својот стомак
Ријана објави серија провокативни фотографии на кои е речиси гола, облечена само во урбана, црна јакна, додека синџирите со дијаманти го красат нејзиниот труднички стомак.
Пејачката откри и дека бременоста и се случила непланирано и дека не се труделе на тоа:
– Не би рекла дека беше планирано. Но, секако не сме против тоа. Не знам кога имам овулација или било што друго. Само се забавувавме. И тогаш тестот беше позитивен. Не губевме време. Му се јавив и му покажав. А потоа следното утро отидов на гинеколог и нашето патување започна. –
Ријана се осврна и на фактот дека ја редефинираше породилната мода, поместувајќи ги границите, но и предизвикувајќи бурни реакции ширум светот. Таа всушност сакала да испрати порака дека ги прифатила промените во своето тело, покажувајќи го нејзиниот растечки стомак од ден на ден во низа оскудни изданија.
– Се надевам дека успеавме да го редефинираме она што досега се сметаше за „пристојно“ за трудниците. Во моментов во моето тело се случуваат неверојатни промени и нема да се срамам од тоа – изјави таа, додавајќи:
– Ова време би требало да биде прослава. Бидејќи зошто би ја криела бременоста? Кога дознав дека сум бремена, си помислив: “Нема шанси да купам било што во продавница за тридници. Жал ми е – премногу е забавно да се облекувате. Нема да дозволам тој сегмент да замине бидејќи моето тело се менува.