Тоа што нешто е клише не значи дека е бесмислено, напротив.
Романтичните филмови, без разлика дали се драми или комедии, главно се полни со клишеа. Публиката веќе е навикната да не се чуди кога гледа вакви филмови, а судејќи по популарноста на овие остварувања, изгледа дека на луѓето не им пречи предвидливоста на нивните приказни.
Тоа што нешто е клише, сепак, не значи дека е бесмислено, напротив. Од романтичните филмови може да се научат секакви корисни работи, а на сајтот на City Magazine ги издвојуваат најчестите клишеа од овие филмови, со објаснување зошто се вистинити.
Одење во друга држава или град по раскинувањето
Филмови со ова клише: Under the Tuscan Sun (2003), The Holiday (2006), Eat, Pray, Love (2010)
Сценаристите честопати ги испраќаат своите ликови со скршено срце во друга земја или град, во секој случај што подалеку од нивниот поранешен партнер. Штом овие ликови се најдат во друга средина, многу лесно наоѓаат нови пријатели, а на крајот и нова љубов.
Психолозите и истражувачите открија дека вакво нешто не е невообичаено во реалниот живот. Неодамна напуштените луѓе навистина уживаат да го напуштат местото каде што живееле со партнерот, а самото патување ги тера да заборават на љубовниот бродолом.
Запишување на мислите за љубовниот живот во дневник
Филмови со ова клише: Bridget Jones’ Diary (2001), How to Lose a Guy in 10 Days (2003), Sleepless in Seattle (1993)
Главните протагонисти на романтичните филмови понекогаш се писатели, новинари или луѓе кои едноставно сакаат да пишуваат дневник. Често во ваквите филмови можеме да го слушнеме нивното раскажување на текстовите што ги напишале, а кои најчесто се однесуваат на нивниот личен живот и проблеми, љубовни или некои други со кои се соочуваат.
Во ова нема ништо спорно, згора на тоа, експертите не советуваат да ги ставиме нашите размислувања на хартија, бидејќи тоа може да ни помогне прецизно да идентификуваме што е нашиот проблем, но и каде лежи неговото решение.
Промена на модниот стил како лек за несреќата во љубовта
Филмови со ова клише: She’s All That (1999), Miss Congeniality (2000), Clueless (1995)
Досега видовме многу толкувања на ова клише, но неговата суштина е иста. Најмногу ја следиме судбината на повлечена девојка која никој не ја забележува, а потоа по радикалната промена на стилот, која главно се одразува со нова фризура, употреба на шминка и поатрактивна облека, таа одеднаш станува популарна и започнува нова фаза од нејзиниот живот.
Истражувањата потврдија дека грижата за изгледот, облеката и уредноста навистина отвора нови врати за луѓето, за кои мислеле дека се засекогаш затворени за нив.