Алек Болдвин и неговата сопруга Хиларија го очекуваат седмото заедничко бебе…
Двојката ги потврди тврдењата минатиот месец, а сега одговорија на се почестите прашања што им се поставуваат за бројот на деца.
Актерот (64) откри зошто тој и неговата сопруга Хиларија не сакале да застанат на сегашните членови на семејството.
Алек и Хиларија моментално ги имаат ќерките Марија (13 месеци) и Кармен Габриеле (8) и синовите Рафаел Томас (6), Леонардо Анхел Чарлс (5), Ромео Алехандро Давид (3) и Едуардо Пао Лукас (18 месеци).
Алек е татко и на 26-годишната ќерка Ајрланд Болдвин, која ја дели со поранешната сопруга Ким Бесинџер.
Во март, Алек и Хиларија (38) објавија дека го очекуваат своето седмо дете оваа есен:
– Луѓето прашуваат зошто. Еве зошто. Да се биде родител е врвното патување – напишал актерот на Инстаграм.
– Една од најубавите работи што ги доживеале моите деца со големо семејство е како срцето може да расте со секој нов брат и сестра. Нашиот капацитет за љубов продолжува да се проширува и едвај чекаме да го прегрнеме нашето ново бебе оваа есен! – изјавиле актерот и инструкторката по јога, пренесува People.
Двојката се венча во 2012 година, а во 2013. година ја добија ќерката Кармен, нивното прво дете.
Набргу по објавувањето на веста за бременоста, Хиларија откри дека го знае полот на бебето, но дека сепак не сака да го сподели тоа:
– Толку од вас се прашувате дали е момче или девојче, знам и ќе ви кажам, но јас чекам две работи. Го изгубив моето бебе во четвртиот месец од 2019. година. Мислам на неа секој ден и сфаќам дека мајчинството има своја убавина и своја темна страна. Но, ќе почекам да ја поминам точката кога ја изгубив ќерка ми и потоа ќе објавам – објаснила Хиларија на Инстаграм.