Без разлика дали вашата рутина за нега на кожа вклучува 3 или 12 чекори, едно е сигурно – живееме во ера на нега на кожата и понудата никогаш не била толку разновидна и богата како денес. Во производите за нега на кожа може да се најдат многу разновидни состојки – од органски до синтетички, од растителни до кристали, а нивните цени исто така варираат.
Некои од нив се толку ретки, па ја оправдуваат нивната висока цена, а кои се најскапи – прочитајте во продолжение:
Злато
Златото е познато по своите својства против стареење и обично се користи во креми и лосиони, како и во маски за лице кои славните ги обожаваат. Околу 25гр чини околу 1.700 долари.
Масло од роза
Маслото од роза е многу скапа состојка која многу се користи во парфемите и другите миризливи производи. Неговата висока цена произлегува од фактот дека за производство на 5 ml масло од роза се потребни над 240.000 ливчиња, така што само 100 ml може да чини повеќе од 1.750 долари.
Шафран
Шафранот е најскапиот зачин на светот, а кога се работи за козметика, помага во хидратацијата на кожата. Цената на еден килограм шафран обично започнува од 5.000 долари, но често се продава за многу повеќе.
Кавијар
Покрај гастрономијата, кавијарот се цени и во козметиката, благодарение на неговите хидратантни и регенеративни својства. Иако цената варира многу со текот на годините, моментално најевтиниот кавијар се продава за околу 1.500 долари за кг, додека најскапиот кавијар, кавијарот Белуга, чини повеќе од 4.000 долари за кг.
Дијаманти
Дијамантот е најскапоцениот камен, а неговата пудра се користи во козметиката за нега на кожа во форма на маска или пилинг (да, навистина звучи неверојатно некој да ги исплакне дијамантите во одводот), и остава беспрекорно сјаен тен. Овие скапоцени камења можат да чинат помеѓу 1.300 и 16.500 долари по карат.