Таа беше една од најубавите и најпопуларните филмски диви
Многу мажи беа заљубени во Елизабет Тејлор. Пленеше со својата природна убавина, а нејзините улоги никого не оставаа рамнодушен.
Актерката била фасцинирана од египетската кралица Клеопатра, па се шминкаше во тој стил. Нагласените усни и веѓи и моливот за очи беа секојдневен дел од нејзиниот стил. Првпат се појави на филм на десетгодишна возраст, а во нејзината богата 60-годишна кариера, филмовите станаа ремек-дела. Меѓу нив се: „Место под сонцето“, „Мачка на врел лимен покрив“, „Кој се плаши од Вирџинија Вулф“, „Клеопатра“ и многу други.
Доколку би сакале да се нашминкате во стилот на позната актерка, погледнете го туторијалот на една од најдобрите шминкерки во светот и обидете се сами да се нашминкате.