Експертите тврдат дека постојат докази дека староста не прави подарежливи, што е спротивно на некои популарни ставови. Ова се должи на окситоцинот, хормон кој е поврзан со емпатијата и великодушноста и кој го доби прекарот „хормон на љубовта“, бидејќи една од неговите функции е да им помогне на паровите, но и на мајките и бебињата да се поврзат.
Според едно американско истражување, се чини дека окситоцинот се ослободува во поголеми количини кај постарите лица, што ги прави подарежливи кога се соочуваат со нешто што бара нивно сочувство.
Истражувачите од Универзитетот во Клермон во Калифорнија испитале 103 луѓе на возраст од 18 до 99 години, прикажувајќи им потресно видео од татко кој ги опишува своите чувства кон својот двегодишен син кој умирал од рак на мозокот. Детето е прикажано на снимката кое e во болница.
Потоа од нив беше побарано да направат анонимна донација во болницата – оние на возраст од 65 и повеќе дале речиси три пати повеќе од оние на возраст од 18 до 35 години.
Исто така, беше откриено дека тие испуштиле повеќе окситоцин во крвта како одговор на видеото. Д-р Пол Зак, кој ја водеше студијата, рече: „Луѓето кои произведоа најмногу окситоцин во експериментот не само што беа подарежливи со добротворните акции, туку покажаа и многу други модели на однесување поврзани со давање помош и поддршка.
Се верува дека тоа е така затоа што постарите луѓе, кои имаат повеќе животно искуство, подобро се справуваат со негативните емоции како што е анксиозноста поради страдањето на другите. Ова им овозможува да се фокусираат на чувството на сочувство – стимулирање на мозокот да сигнализира ослободување на повеќе окситоцин.
Студијата објавена во списанието Frontiers in Behavioral Neuroscience, исто така, покажа дека оние кои ослободиле повеќе окситоцин имале поголема веројатност да волонтираат во изминатата година, давајќи повеќе од својот приход, и повеќе во добротворни цели. Тие беа и посреќни во животот.
Д-р Зак рече: „Наодите се во согласност со многу религии и филозофии, во кои задоволството од животот се зголемува со помагање на другите“.