Познатата актерка Гвинет Палтроу (49) ќе ангажира „ментор“ кој ќе ја води и ќе ѝ помага за време на менопаузата.
Таа неодамна на своите следбеници на Инстаграм им порача дека постои „конфликтна наука за некои хормонални работи“.
– Се трудам да го доведам моето тело во најдобра можна форма и оттаму да проценам – изјавила актерката.
Гвинет е мајка на две деца, а за борбата со хормоналните промени зборуваше и претходно, додека минувала низ пременопауза, која обично започнува на возраст од 45 до 55 години.
Актерката изјавила дека го следела советот на својот лекар, но и на медицинскиот експерт кој ѝ помогнал „со одредени додатоци во исхраната, кои вклучуваат растенија, адаптогени и фитонутриенти“, пренесува Дејли Меил.
– Исхраната и тренингот се многу важни. Се обидувам да пешачам неколку пати неделно, се потам, вежбам, одам во сауна, а тоа се само мои начини на справување – изјавила Палтроу.
Минатиот септември Гвинет зборуваше за тоа како се справува со перименопаузата во доцните четириесетти години, велејќи дека поради хормоналните промени се бори со лавина од емоции и забрзано срцебиење.