Откако научниците излегоа со објавата дека Бела Хадид ги има „најсовршените црти на лицето на светот“, таа стана најбараната манекенка.
Прво дојде Џиџи, а потоа Бела. Девојките од семејството Хадид блескаат и горат на модната сцена. Многумина би рекле дека Џиџи има харизма и знаење, додека Бела сака постојано да е на граница и не може да одлучи дали ќе биде заводничка или скромна девојка.
Така беше и овој пат. Оваа прекрасна 25-годишна манекенка ја заскокотка фантазијата со серија провокативни фотографии на Инстаграм, на кои позира во ласкава креација на познатиот дизајнер Жан Пол Готје.
Бела облече креација стара речиси две децении, а тоа е деликатна, лелеава, заводлива тоалета направена од проѕирен сив тул со процепи во пределот на градите.
Самиот фустан е крајно сензуален, но манекенката зачини се позирајќи додека не се облече целосно. Така едната страна од телото и остана изложена на објективот, со акцент на голиот задник.
Овие фотографии собраа речиси милион лајкови, но и бројни коментари – некои полни со пофалби, некои остри критики. Но, кога станува збор за Бела средина нема и мислењата секогаш се поделени.
„Најжешката жена на сите времиња“, „Толку си убава, а убавината на твојата душа буквално сјае“, „Совршенство“, „О, Боже, какви фотографии“, „Проклето си совршена“, „Бараш внимание како средовечна домаќинка“, „Икона“, „Досадна, како и секогаш“, „Постојано и се менува лицето“, „Воопшто не е привлечна, не ја разбирам лудоста по неа“, се само некои од коментарите.