Без многу помпа (но во театарско мини здолниште на Каролина Херера), без препознатливиот туш на очите и внимателно стилизирана фризура, Адел зрачеше со среќа по повод нејзиниот 34-ти роденден.
„Каква разлика може да направи една година! Ако времето продолжи да лекува и измазнува сè во мојот живот како досега, едвај чекам да наполнам 60 години! Никогаш не сум била посреќна! Толку многу лекции, толку многу благослови за кои треба да бидам благодарна. Ова е 34 и навистина ми се допаѓа!“, напиша успешната пејачка на својот Инстаграм профил, заблагодарувајќи им се на сите за роденденските желби.
Адел уште еднаш не потсети дека треба да уживаме во животот – во благословите, но и лекциите и дека, според зборовите на Одри Хепберн, „среќните девојки се најубави“. Среќен роденден!
