Романтичната бајка наскоро се претвора во врска полна со манипулации
Една од класичните реченици од филмовите гласи: Ако нешто звучи премногу добро за да биде вистина, тогаш сигурно не е…
Ова често може да се примени на врските – понекогаш врските кои првично изгледаат како романтична бајка може да бидат мамка да паднете во токсична врска.
– Ако чувствувате дека таа личност е премногу добра за да биде вистинита, веројатно треба сериозно да ја сфатите оваа мисла и да се повлечете. Ви претстои опасност да се заљубите во шармер – еден вид токсичен партнер! – вели психотерапевтката Кејти Прес.
– Можеби имате лошо чувство дека не верувате во она што се случува или чувствувате притисок да ги забрзате работите, но ако се чувствувате толку сакано, може да го совладате вашиот инстинкт или да го игнорирате чувството. Избрзаниот почеток на врската секогаш треба да биде предупредување, вели таа.
Посочува четири знаци дека излегувате со волк во јагнешка кожа:
- Ви кажуваат се што сакате да слушнете
– Никој не е совршен. Сè што излегува од устата на вашиот партнер е она што сонувате да го слушнете. Како дел од нивната офанзива, тие можат да кажат дека сте токму она што тие го бараат, дека сте посебни, дека никогаш досега не запознале некој како вас, дека се чувствуваат среќни што ве запознале – објаснува Кејти.
Ова ќе престане кога ќе го добијат тоа што го сакаат, но „шармерот“ потоа повторно ќе се појави во оние моменти кога ќе го доведете во прашање начинот на кој тие се однесуваат или кога сакате да ја прекинете врската со него.
- Се занимаваат со лажирање на иднината
Сака да ви ги разбуди надежите и да ве поттикне да инвестирате во врската. Волкот во јагнешка кожа ќе ви го вети светот и визија за љубовта за која отсекогаш сте сонувале! Ако забележите дека тие само зборуваат и не прават ништо за вашата иднина, тоа е јасен знак.
- Внатрешниот глас ви кажува дека нешто не е во ред
Вашето излегување може да изгледа апсолутно прекрасно, но има нешто во позадината на вашиот ум за што не сте сигурни. Не го игнорирајте тоа внатрешно чувство. Нашата потсвест која забележува работи за кои умот можеби не е свесен. Дали се тоа пеперутки во стомакот или само се чувствувате вознемирено кога се во близина? Слушајте ја вашата интуиција!
- Бомбардирање со изливи на љубов
– Доколку имате чувство дека одите пребрзо и неприродно и често ве „бомбардира“ со изјави за љубов, ова може да е знак за скриен токсичен партнер – забележува Кејти Прес.