Доколку имате проблеми со темните кругови и не можете да најдете ефикасно решение кое ќе ги покрие и ќе го намали отокот, важно е да знаете дека не сте сами на светот со овој проблем. Познатите дами мака мачат со ова, а ниту скапите третмани и креми не помагаат во решавањето на овие предизвици. Затоа се одлучуваат за бизарни трикови кои, како што велат, им помагаат во борбата против ќесичките под очите.
Многу производи за нега се наоѓаат на нашите полици, па посегнуваме по разни препарати кои ќе ни помогнат да се справиме со проблемите како темните кругови, но сигурно не сте слушнале за оваа работа.
Имено, овој трик стана познат кога Ким Кардашијан и Сандра Булок ги споделија своите искуства со кремата за хемороиди. Актерката прво призна дека сака да го користи овој крем бидејќи лесно се „ослободува“ од темните кругови.
– Долго време не знаев дека на очните капаци може да се нанесува крема против хемороиди за да се намали отокот. Кога ја ставив за прв пат, бев воодушевена и оттогаш често ја користам – призна Булок.
Исто така, познато е дека овој козметички трик го користи познатата старлета и ријалити ѕвезда Ким Кардашијан, а тоа го откри нејзиниот шминкер Марио Дедивановиќ.
– Овој крем ја затегнува кожата. Тоа е навистина стар трик. Мириса ужасно, но дава резултати – изјави тој.
Експертите тврдат дека состојките во овој крем ги стегаат крвните садови и го намалуваат црвенилото и успешно се борат против отокот и надуеноста.