Тие целосно ја нагласуваат фигурата
Оваа летна сезона особено ќе биде актуелно едно парче облека, а тоа е корсетот.
Идеален е за излегување, лесно се комбинира, а најдобро од се е што целосно ја истакнува фигурата.
Колку е актуелен и популарен говори фактот што неколку познати дами го носеа на Мет Гала во различни варијанти – Били Ајлиш, Сидни Свини, сестрите Хадид, како и многу други.
Корсетите и блузите инспирирани од нив се еден од водечките трендови, а во исто време се секси и смели, но и практични и носливи.
На многу сензуален начин ги истакнува градите и струкот, а со тоа ја истакнува женственоста, а големата предност на корсетот е што им ласка дури и на слабите жени и дамите без изразени облини. Имено, ова парче визуелно ја истенчува половината, додека деколтето го прави заводливо и поцврсто.
Се носат еднобојни, но и корсети со принт, и оние од обичен памук и трикотажа, прилагодени на секојдневниот, опуштен стил. Секако, тука се и корсетите од сатен, свила, со детали од тантела, експресивни корпи кои се одличен избор за ноќно излегување или предизвикувачки комбинации.
Еве ги сите начини на кои можете да го носите ова парче облека:
