Ако сакате стапалата да ви изгледаат убаво потребно е да ги негувате, особено во текот на летото кога се најчесто откриени. Маската за нега на стапалата ќе ви донесе најдобри резултати, а можете да ја направите дома. Маската од краставици нема да ви одземе многу време, а сигурно ќе бидете задоволни од резултатите.
Потребни состојки за маска од краставици:
- 2 краставици
- 2 лажици сок од лимон
- 2 лажици маслиново масло
Подготовка:
Измијте две краставици, не ги лупете, и исечете да можете да ги ставите во блендер. Додајте сок од лимон и маслиново масло, па се’ заедно изблендирајте. Добиената смеса поделете ја во две ќеси, „обујте ги“ и измасирајте ги стапалата преку ќесите. После 15. минути измијте ги стапалата со млака вода а кожата на стапалата ќе биде свежа и хидрирана.