Дури и навистина да ја сакаат партнерката, главно ќе останат „скржави на зборови“. Жените се тие кои доминираат во секторот на изразување емоции на сите можни начини. Сепак, зборовите не се единствените кои можат да ви кажат што вашиот маж чувствува за вас. Има и дела кои зборуваат повеќе од илјада зборови.
Начинот на кој вашиот маж се однесува со вас е првиот и најважен показател за неговите чувства. Напорот што го вложува во вашиот однос е многу важен. Но, има и некои многу слатки показатели, како што е неговиот начин на гушкање со вас, што наместо него ќе ви открие сè што сакате да знаете.
ЗАПЛЕТКАН ХАОС
Мажот кој претпочита ваков стил на гушкање не знае точно што сака, но знае дека ве сака вас. Поради оваа причина, неговиот стил на гушкање изгледа како вистински хаос. Ќе ве држи блиску до него, но не премногу блиску. Одвреме-навреме ќе пробува различни пози за галење додека не ја најде онаа што најмногу ви одговара на двајцата. Доколку е неодлучен по природа, како што е во однос на гушкањето, голема е веројатноста дека ќе помине извесно време додека да ви ги открие своите вистински чувства, пренесува „zenskimagazin.rs“.
ЛИЦЕ В ЛИЦЕ
Овој човек не само што е заљубен во вас, туку се чувствува и како најсреќниот човек на светот бидејќи може да сподели даден момент со вас. Ако обожава да го гледа вашиот израз на лицето додека нежно ве гали, тоа значи дека сака да ужива во вашата насмевка, бидејќи за него нема подобра сцена од тоа. Најважно е дека кога мажот и жената се гледаат еден со друг, тоа укажува на искрена доверба меѓу нив.
ВАШАТА ГЛАВА Е НА НЕГОВИТЕ ГРАДИ
Со овој потег тој метафорично и буквално ве држи блиску до срцето. Сака да се чувствувате безбедно покрај него и има потсвесна желба да ве заштити од сè лошо на овој свет. Ваков маж ќе биде некој кој никогаш нема да дозволи жена да носи торба со прекумерна тежина и кој секогаш сам ќе се грижи за сите поправки низ куќата. Неговиот заштитен инстинкт ќе го почувствувате на секој чекор, што е навистина охрабрувачко.
ТОЈ СЕ ПОТПИРА НА ВАС
Во повеќето случаи, тој ќе ја потпре главата на вашите гради, на рамо или ќе ви ја стави во скут за нежно да го милувате по косата. Ако тоа е неговата омилена поза за гушкање, тоа е знак дека ви кажува дека му требате. Тој е маж кој сака покрај себе силна и независна жена на која може да се потпре и во која може да има безусловна доверба.
ПРЕГРАТКА СО ЕДНА РАКА
Овој начин на гушкање може да биде проблематичен за толкување. Тој е оној кој не сака претерано гушкање, туку го дава својот придонес за целта. Постојат две можни сценарија. Првото би било дека видел дека вие сакате да се гушкате па се труди да ве задоволи иако тоа не е нешто во кое премногу ужива, а второто би било дека не му се допаѓате толку многу што би се трудел повеќе од ова околу вас.