Судењето на деценијата меѓу актерот Џони Деп (58) и неговата поранешна сопруга, актерката Амбер Херд (36) ја чека пресудата.
И додека светот чека во чија корист ќе одлучи поротата, актерот по мачното судење утеха најде во она што најмногу го сака – музиката. Тој одлета за Англија каде ја изненади публиката на концертот на неговиот пријател и музички колега Џеф Бек. Публиката беше воодушевена кога Џони излезе на сцената со гитара во рацете и свиреше.
„Какво изненадување добивме кога Џони Деп му се придружи на Џеф Бек на сцената“, напиша еден од ентузијастичките обожаватели кои сега се најголемата поддршка на актерот покрај снимањето на Џони на сцената.
На Деп не му е непознат настапот на сцената. Со легендарните музичари Алис Купер и Џо Пери, тој го формираше бендот „Super Group Hollywood Vampires“ во 2012 година.
Well…what a surprise we got last night when Johnny Depp joined @jeffbeckmusic on stage 😱
Wishing @jeffbeckmusic good luck for the rest of his amazing tour 😍 and a big thank you to Johnny Depp for joining us! pic.twitter.com/UlHhKShanP
— Sheffield City Hall (@SheffCityHall) May 30, 2022
Се чини дека актерот за момент сакал да го остави зад себе болното судење во кое тој и Амбер ги презентираа застрашувачките детали од нивниот брак. Тие меѓусебно се обвинуваат за насилство за време на бракот што го склучиле во 2016 година.
Тие завршија на суд бидејќи Џони ја тужеше Амбер за клевета поради колумна што ја напиша во 2018 година во која пишуваше за тоа како била жртва на сексуално и физичко насилство. Иако не го навела во текстот, Деп тврди дека е јасно дека колумната се однесувала на него и дека му ја уништила кариерата. Тој сега бара отштета од 50 милиони долари од неговата поранешна сопруга и остро ги негира сите нејзини наводи за насилство.