„Stranger Things“ е најзначајната серија за Нетфликс
Серијата „Stranger Things“ се враќа по три години чекање на Нетфликс со нова, четврта сезона. Гледаноста на новата сезона е толку импресивна што ги сруши сите рекорди.
Имено, четвртата сезона од серијата „Stranger Things“ го собори рекордот во гледаност во првиот викенд од шоуто, кој го држеше втората сезона од серијата „Бриџертон“. Ова е првиот дел од четвртата сезона, која се состои од седум епизоди.
Покрај тоа, првите три сезони од серијата „Stranger Things“ се вратија меѓу петте најгледани серии на Нетфликс. Така, првата сезона на серијата „Stranger Things“ се најде на третото место, третата сезона е на четврто, а втора сезона е петта.
Откако третата сезона на „Stranger Things“ започна да се емитува во ноември 2019 година, таа набрзо стана најгледаната серија на Нетфликс. Во меѓувреме, Нетфликс го промени начинот на кој ги брои рејтинзите на серија или филм. Во секој случај, „Stranger Things“ е најзначајната серија за Нетфликс. Во серијата учествуваа млади актери како Мили Боби Браун, Фин Волфхард, Гејтен Матаразо и Кејлеб Меклолин, а им се придружија и двајца постари, Винона Рајдер и Дејвид Харбор.
Она што е интересно за четвртата сезона е времетраењето на епизодите. Најкратката трае 63 минути, додека седмата епизода ќе трае дури 98. Најавено е дека последната епизода ќе трае речиси два и пол часа. Четвртата сезона е поделена на два дела, втората ќе биде на Нетфликс на 1-ви јули. Веќе е најавено дека ќе се снима петта сезона, која воедно ќе биде и последна.