Не го мијте премногу често бидејќи ќе ја изгуби својата еластичност
Телото на жената се менува како што стареете, па сигурно е дека не можете цел живот да носите градник со иста големина и форма.
Често се случува да купиме погрешен градник кој или нè стега или е преголем за нас.
Не само кога станува збор за купување на истиот, туку и за одржување на градникот, многу жени ги прават овие три грешки.
- Пречесто го перете градникот
Ако го миете градникот после секое носење, тој би можел да ја изгуби еластичноста, па дури ни градите нема да изгледаат добро во него. Се препорачува да се мие по 3 до 4 носења во мрежа за перење.
- Не го сушете во машина
Најидеално решение е да се исуши на воздух, но не со закачување на едниот крај – може да се растегне.
Правилно е да го закачите на средина. Ако вашиот градник се растегне, тој веќе нема да ги држи правилно вашите гради.
- Купете ја „вистинската“ големина
Иако можеби мислите дека добро знаете каква големина носите, не заборавајте дека обликот и големината на вашите гради се менуваат со возраста. Најдобро е да го пробате градникот пред да го купите и да внимавате на некои работи.
Градник со вистинска големина нема да ве стиска, ниту градите ќе ви „пливаат во него“, а прерамките нема да ви паѓаат од рамениците.
Доколку сакате градите да ви изгледаат поголемо, подобро набавете познат push up модел кој има дополнителен слој и на тој начин ги крева градите. Закопчајте го под лопатките, не премногу високо како што прават многу жени.