Познатата американска дизајнерка, Каролина Херера, изјави дека белата кошула е парче облека кое секоја жена мора да го поседува.
Белата кошула е вечно парче и како црна јакна или фармерки се вклопува со се, а во последно време особено се модерни оние со oversized односно предимензиониран крој.
Познатите дами како Ирина Шајк, Хејли Бибер, Кајли Џенер, Викторија Бекам, Меган Маркл, Џенифер Анистон обожаваат да го носат овој моден класик во предимензионирана верзија.
– Ми се допаѓа белата кошула. Можете да ја носите со се, а нејзиниот најголем шарм е што зависи од личноста на кој начин ќе го носи – изјавила во една прилика познатата Каролина Херера.
Белата кошула можете да ја комбинирате со фармерки, здолништа и шорцеви – одговара буквално со се.
На море, можете да ја носите преку костим за капење како туника.
Некои трендсетерки носат бели преголеми кошули како фустани.