Постои тенка линија помеѓу беспрекорниот стајлинг и целосниот неуспех
Не постои нешто како предизвикување контроверзии кога станува збор за гардероба, како што тоа го прави животинскиот принт.
Облеката со животински дезени некои ја сметаат за олицетворение на лош вкус и кич, додека други се убедени дека оваа гардероба е идеален начин да се покаже моќ, слобода, сила и самодоверба.
Носењето животински принт е меч со две острици. Факт е дека личноста во таква облека секогаш ќе биде забележана, како од оние кои ќе го пофалат храбариот стајлинг, така и од оние кои ќе бидат малку поостри и ќе се обидат да најдат маана.
Животинскиот принт навистина им овозможува на сите што го носат на вистински начин да ја изразат својата „дива“ природа. Сепак, вистината е дека треба да се биде доста внимателен. Притоа, имајте на ум дека тоа не зависи од изгледот и материјалот, туку исклучиво и најмногу од начинот на кој овој дезен е дозиран до комплетен стајлинг и со што се комбинира.
Првото правило што треба да го примените воопшто кога станува збор за облекувањето, а особено кога станува збор за животински принт, е да изберете парчиња облека од квалитетен материјал. Ова не значи природно крзно или кожа, туку природен, добро изработен материјал кој добро ќе стои на вашето тело и кој нема да доведе до прекумерно потење.
Потоа, секогаш носете само еден дезен. Некои модни експерти сметаат дека е сосема во ред да се комбинираат неколку различни животински принтови, но имајте на ум дека тоа се исклучоци и дека тоа во никој случај не е благодарен потфат. Доколку не сте сигурни, најдобро би било да се одлучите за еден дезен, во комбинација со парче облека во неутрална боја.
Најдобро би било да е бела, беж, сива или црна гардероба. Фармерките се исто така добар избор.
Ако во вашиот стајлинг доминира животинскиот принт или ако се работи за долго здолниште или фустан, можете да ја пуштите вашата фантазија и да го комплетирате аутфитот со парчиња во впечатливи бои, како смарагдно зелена, жолта, металик сива или црвена, во зависност за кој принт станува збор.
Овде би било добро да се примени старото добро правило дека чевлите и чантите секогаш треба да се совпаѓаат, за стајлингот да не делува натрупано и бесмислено.
Можете да понесете неколку парчиња од истиот принт, доколку е едно од главните парчиња, како блуза, и некој детал, како чанта, капа или шал. Погрижете се шарата на двете парчиња да биде приближно иста.