Кога станува збор за пролетната и летната мода, постојат неколку трендови кои неспорно се синоним за сезоната. Тоа би биле цветни принтови, сандали од плута и панделки за врзување околу глуждовите, сламени капи, морнарски принт и сите пастелни бои – класици кои ќе бидат во тренд секоја летна сезона.
Плетените чанти се вистински пример за неопходен летен додаток кој гарантирано ќе се појавува од година во година. Омилените плетени и сламени чанти од сите облици и големини се совршен додаток на вашата летна гардероба, без разлика дали одите во парк на пикник, шопинг или кафе со пријателите.
Има причина зошто влијанието на војвотката од Кембриџ врз модата и трендовите се нарекува „ефект на Кејт“. На почетокот на оваа година, сопругата на принцот Вилијам однесе неколку плетени чанти на Карибите и покажа како тие можат да бидат елегантен додаток на вашата дневна или вечерна комбинација.
Од практични чанти до мали кои изгледаат како кутии, плетените чанти се сестран додаток, совршен за летни комбинации на облека. Што не спречува да ги носиме во зима? Навистина ништо, но замислете колку би било чудно да видите некој во дебела долга зимска јакна, со шал и капа и плетена чанта на рамениците? Во исто време тие се огромни, па еве една практична причина. Што ќе правите кога ќе се навлажни?
Заедничко за дамите од нашата галерија е тоа што не внимаваа што носат – со каков било принт, крој или боја на облека, класичните плетени чанти во беж боја одлично стојат.
Бидете кралица на стилот и на плажата! Предноста на големите варијанти на овие чанти е што можат да бидат практичен, но и модерен додаток за одење на плажа.
