Шампонот не е единственото ефикасно средство
Наједноставното и најчесто користеното средство за миење на косата е дефинитивно шампонот.
Сепак, тоа не е единствениот препарат што можете да го користите за оваа намена. Има сериозна конкуренција со сапуните за коса, особено домашните.
Сапуните за нега на коса имаат голем број на предности. Тие првенствено ја регулираат мрсноста на косата и темелно го чистат скалпот. По користењето на сапунот, косата станува видливо поинаква, опоравена, посилна и посјајна, по само неколку употреби.
Бидејќи споро се троши, сапунот за коса е и економичен начин за миење на косата. Триењето на скалпот со сапун ќе ги отстрани сите нечистотии од главата, но се препорачува потоа да ја третирате косата со балзам, за полесно да се чешла.
Како да ја измиете косата со сапун?
За да не ја оштетите косата, добро навлажнете го темето пред да го користите сапунот. Сапунот не делува при првото нанесување, т.е. не пени доволно, па често се потребни 2 до 3 триења за навистина да ја исчистите косата.
Многу е важно добро да се измие за да се избегне дополнително мрсење на косата и потенцијално чешање.
Како сами да направите сапун?
Всушност, сапунот за коса се прави прилично едноставно.
Состојки:
– маслиново масло, 350 гр
– палмино масло, 350 гр
– каустична сода, 90 гр
– вода, 230 мл
– етерично масло по избор, 10 мл
Подготовка:
Каустичната сода измешајте ја со вода додека масата не се растопи, а потоа истурете ги сите масла во еден сад и ставете го садот на оган да се загрее смесата.
За да ја направите масата погуста, пожелно е да ја измешате со миксер. Ако сакате, можете да додадете било кое миризливо, есенцијално масло, како она од лаванда или еукалиптус. Кога смесата ќе биде готова, истурете ја во соодветните калапи и оставете ја преку ноќ.
По 24 часа, можете да го извадите сапунот од калапот, но треба да го оставите да отстои 4 до 6 недели, па дури потоа можете да го користите.
Доколку овој процес ви е премногу комплициран и не можете да го набавите целиот неопходен материјал, можете да направите подеднакво делотворен сапун од свинска маст, по стар, испробан рецепт.
Потребно ви е:
– вода, 50 мл
– свинска маст, 100 гр
– натриум хидроксид, една лажица
Овој сапун се подготвува така што прво ќе се стопи свинската маст во поголем сад. Во друг сад измешајте ги натриум хидроксидот и водата и кога маста целосно ќе се раствори, смесата со водата се додава во тенџерето и се меша следниот половина час.
Потопете го ножот во сапунот за да бидете сигурни дека процесот на правење сапун е завршен. Кога смесата ќе се стврдне, ќе знаете дека процесот на правење сапун е завршен. Истурете ја смесата во калапи и по желба додадете етерично масло или некои ароматични билки, како рузмарин, лаванда, кантарион…