Поло е едно од омилените хобија на војводата од Сасекс, кој не ја загуби страста за овој спорт со преселбата во САД. Всушност, тој неодамна се приклучи на тимот Лос Падрес од Санта Барбара, во кој е и неговиот близок пријател Начо Фигуерес, еден од најдобрите поло играчи во светот.
Тимот на Хари вчера го одигра полуфиналниот натпревар од Купот на Пацифичкиот брег против тимот на Фолдед Хилс и на крајот загуби. Меган Маркл го утеши својот тажен сопруг по мечот што го гледаше во друштво на пријателката Делфин Блакиер, сопругата на Фигерес.
Стајлингот на војвотката од Сасекс очекувано беше лежерен со оглед на приликата. Меган ја повтори комбинацијата што ја носеше на натпреварот на Хари во мај. Таа комбинираше тексас шорцеви со кошула со долги ракави и едноставни сандали.
Кратките панталони се нејзиниот најчест избор кога станува збор за поло, а токму тоа на некои критичари не им се допаѓа. Имено, некои коментатори на социјалните мрежи заклучија дека толку краток модел на панталони не ѝ прилега на војвотката, иако не ги носела на службена должност туку во приватна прилика.
Од друга страна, кога војвотката од Кембриџ по службена должност дојде на регата во кратки панталони за време на кралската турнеја на Карибите во март оваа година, никој не ѝ замери.
Двојните стандарди во анализирањето на нивните комбинации на облека не се ништо ново, но Меган не се заморува од тоа и продолжува да го носи она што и одговара, без разлика на критиките.