Иако не постои универзално правило за убава и здрава кожа, она што многу влијае на неа е храната што ја внесуваме во организмот.
- Ферментирана храна богата со пробиотици
Недостатокот на пробиотици може да го забави варењето и да го наруши цревниот микробиом – односно може да предизвика нерамнотежа на добрите бактерии во цревата, а воспалените црева може да предизвикаат воспаление на кожата. Првиот чекор во детоксикација и заздравување на кожата е заздравувањето на цревата. Затоа трудeте се во исхраната да вклучите што повеќе намирници кои природно содржат пробиотици, кои влијаат на развојот на добрите бактерии во цревата, како што се месо, кисела зелка, кисели краставички и многу други ферментирани намирници.
- Зелен лиснат зеленчук
Зелениот лиснат зеленчук како зелената салата, спанаќот, кељот, блитвата и многу други видови содржат големи количини на различни антиоксиданси кои позитивно влијаат на здравјето и изгледот на кожата. Тие се богати со витамин Ц, кој влијае на производството на колаген, потоа му обезбедуваат на телото витамин А, кој ја хидрира кожата, а содржи и витамин Е, кој помага во борбата против воспалението на кожата. Оваа храна ја поттикнува природната детоксикација на организмот, а со тоа влијае и на детоксикација на кожата.
- Цвекло
Цвеклото е богато со витамини Б3, Б6, Ц и бета-каротин, кои можат да го започнат природниот процес на детоксикација. Тие го зајакнуваат функционирањето на црниот дроб и жолчното кесе, кои се од големо значење кога станува збор за отстранување на токсините од нашиот систем. Богат е и со влакна, кои го помагаат варењето. Сето ова влијае на изгледот и здравјето на кожата.