Дознајте на кој начин најлесно можете да ја исчистите туш-кабината
Многу модерни бањи имаат туш-кабина, но бигорот, влагата и мувлата најмногу се задржуваат тука и многу го отежнуваат чистењето.
Отстранувањето тврдокорни дамки од елегантните туш-кабини може да биде незгодно, па затоа ви предлагаме неколку трикови што сигурно ќе ви помогнат.
- Сипете шолја дестилиран бел оцет во сад и загрејте го 30 до 45 секунди во микробранова печка.
- Сипете го загреаниот оцет во шишенце со распрскувач.
- Додајте неколку капки течност за миење садови.
- Распрскајте ја течноста почнувајќи од врвот, па оставете ја да дејствува најмалку пет минути.
- Добро измијте ја стаклената врата, па избришете ја со мека крпа од микровлакна.
Напомена:
- Немојте да користите сунѓер со грубиот дел!
- За тврдокорни дамки нанесете уште оцет и почекајте.
Дополнителни совети:
- Наместо оцет, можете да сипете лимонов сок кој добро ќе ги исчисти дамките, но бидете внимателни доколку подот е природен камен.
- Чистењето со помош на лимонов сок може да се примени доколку не се работи за тврдокорни дамки.
- Поминете ја вратата, добро измијте ја со вода и избришете ја со мека крпа.
- Туш-кабината може да биде подолго чиста, ако по секоја употреба ја чистите и ја бришете со мека крпа.