Глобално популарните ѕвезди не останаа имуни на новиот закон во Америка со кој се укинува правото на жените на абортус освен во одредени услови, па многумина јавно го изразија своето незадоволство.
Били Ајлиш во петокот за време на нејзиниот настап им даде поддршка на сите жени на кои им се заканува новата судска одлука.
Пејачката ја искористи приликата да ја искоментира новонастанатата ситуација и да покаже колку е лута на Врховниот суд на Соединетите Американски Држави на нејзиниот настап на фестивалот Глазомбер во Англија.
„Денес е тажен ден за Америка, не можам да верувам дека ова се случува“, рече Били.
„Колку повеќе размислувам за тоа, толку полошо се чувствувам“, рече таа.
Тејлор Свифт се огласи на Твитер, каде го сподели мислењето на Мишел Обама, коментирајќи:
I’m absolutely terrified that this is where we are – that after so many decades of people fighting for women’s rights to their own bodies, today’s decision has stripped us of that. https://t.co/mwK561oxxl
— Taylor Swift (@taylorswift13) June 24, 2022
– Апсолутно сум ужасната! После толку децении работа и борба за правата на жените и нивните тела, денес сето тоа ни е одземено – напиша Свифт.
Обама напиша дека нејзиното „срце е скршено“, а своите чувства ги објасни во обраќање писмено, преку Твитер.
Покрај овие дами се огласија и многу јавни личности од светот на филмот, музиката, гејминг индустријата и шоу-бизнисот.
Шведската поп-ѕвезда Зара Ларсон, која е популарна во Европа и Америка, прво цинично коментираше дека многумина мислат дека „Америка е најдоброто место за живеење“, но дека сите живееле во тешка заблуда.
Вознемирена од одлуката, таа сподели неколку написи и случаи кои се случиле во свет каде што абортусот е забранет. Меѓу другото, случајот со силувана девојка (11) која не смеела да ја прекине бременоста.
Ive read this 20 times over and it still doesn’t make sense??? Wtf was she supposed to hold on for? She was 11. She was raped. They made her wait 7 months for WHAT??? I just can’t believe my eyes like wtf am I reading? Is this the future we want for girls?? https://t.co/XZylv4BYW0
— Zara Larsson (@zaralarsson) June 24, 2022
– Ова го прочитав 20 пати и ништо не ми е јасно. Што требаше да чека? Ја силувале! Ја натераа да ја одржи бременоста седум месеци? Зошто? Не верувам повеќе во тоа што го читам? Дали е ова иднината на девојчињата? напиша Ларсон.
Врховниот суд го поништи значајниот случај на Роу против Вејд, кој им даде право на жените во САД да ја прекинат бременоста. Се очекува 26 држави да го сторат тоа веднаш или што е можно поскоро. Ова ќе го направи абортусот незаконски во поголемиот дел од југот и средниот запад.
Поради ова, на американските улици има огромни немири, каде жените се обидуваат да си ги вратат правата со помош на протести.
