Краставицата содржи многу течност во неа, па е добра за топлите, летни денови. Наместо да се налевате вода, краставицата ќе ви помогне да останете хидрирани.
Краставицата ги одржува вашите бубрези здрави. Поради високата содржина на вода, краставицата е диуретик и на тој начин помага во ослободувањето на токсините од телото. Ова може да го спречи создавањето на камења во бубрезите, но и да помогне да се исфрли постоечкиот со мокрење. Исто така, игра важна улога во регулирањето на нивото на урична киселина во телото, што помага да се одржуваат здрави овој и другите органи на уринарниот тракт.
Го поттикнува здравјето на коските, кожата и ноктите. Краставицата содржи калциум, витамин К, магнезиум и витамин Ц кои помагаат во одржување на здравјето на коските. Овие витамини и минерали му се потребни на телото за одржување на густината на коските, за лекување на фрактури. Покрај овие, краставицата содржи и минерал во трагови силикон, кој ја ублажува болката предизвикана од артритис, но и ги зајакнува сврзните ткива како што се косата и ноктите. Косата ќе биде еластична и нема лесно да се крши.
Спречува лош здив и расипување на забите. Наместо да земате гума за џвакање, доколку ве мачи лошиот здив, посегнете по парче краставица. Високата концентрација на вода во оваа храна ја спречува сувата уста, а нејзината крцкава текстура помага да се отстранат бактериите од усната шуплина кои предизвикуваат непријатен мирис и го стимулираат производството на плунка.
Краставицата го регулира дијабетесот. Има низок гликемиски индекс (има индекс од 15 на скалата и сè под 55 се смета за ниско) што значи дека не предизвикува скокови во нивото на гликоза во крвта. Богатата содржина на влакна, исто така, го забавува варењето на јаглени хидрати и шеќери, што пак го намалува нивото на гликоза во крвта. Високата содржина на вода помага да се спречи дехидрација, што ја прави оваа храна одличен избор за луѓето со дијабетес.
Ако овие причини не ви се доволни за да направите салата со краставица, таа може да ви помогне да изгубите тежина и да го подобрите варењето.