Камерон Дијаз ќе се врати од пензија и ќе глуми во претстојната акциона комедија на Нетфликс „Back In Action“. Во оваа продукција ќе игра и Џејми Фокс, но и ѕвездата на американскиот фудбал Том Брејди, пишува „Дејли мејл“.
Како Камерон Дијаз реши да се врати на актерството е посебна приказна. „Виновник“ за се е Џејми Фокс кој ѝ се јавил на актерката на телефон, а во целата акција го вклучил и споменатиот Том Брејди.
„Здраво, Камерон“, рекол Том Брејди.
– О Боже. Дали е тоа Том Брејди? – рекла Камерон Дијаз.
– Разговарав со Џејми (Фокс) и тој ми рече дека ти треба совет како да се вратиш од пензија – рекол Том Брејди.
– Хахаха – се насмеа Камерон Дијаз.
„Релативно сум успешен кога станува збор за излегување од пензија“, рече Брејди.
– Искрено… Тоа ми треба – изјави Камерон Дијаз.
Cameron I hope you aren’t mad I recorded this, but no turning back now. Had to call in the GOAT to bring back another GOAT. @CameronDiaz and I are BACK IN ACTION – our new movie with @NetflixFilm. Production starting later this year!! 🦊🐐 pic.twitter.com/vyaGrUmbWb
— Jamie Foxx (@iamjamiefoxx) June 29, 2022
Целиот разговор го објави Џејми Фокс на својот Твитер профил.
– Камерон, се надевам дека не си лут што го снимив ова, но сега нема враќање назад. Морав да го повикам најголемиот на сите времиња (Том Брејди) за да го вратам најголемиот на сите времиња (Камерон Дијаз). „Враќање во акција“, нашиот нов филм на Нетфликс. Производството започнува кон крајот на оваа година – напиша Џејми Фокс.
Камерон Дијаз се повлече од актерството пред осум години. Но, еве го нејзиното враќање.