Направете природен мелем за лице
Природна состојка која ќе ви помогне да ги отстраните сите неправилности на лицето, од мозолчиња и црвенило до митесери и акни.
Медот е основна состојка во многу производи за убавина, но зошто да трошите пари на производи во кои можеби не ви одговараат другите состојки. Време е да ги земете работите во свои раце и да направите „медена“ маска за третман на кожата на лицето дома.
Главната состојка што ви е потребна за да ја направите оваа маска е медот. Додадете ги другите наведени состојки во зависност од типот на вашата кожа.
Сува кожа
Измешајте го медот со обичен јогурт, банана и авокадо.
Мрсна кожа
Измешајте ја основната состојка со јаболко, овес, жолчка или морков.
Лупење на кожата
Користете мед, кафеав шеќер и млеко за да направите пилинг кој ќе го нанесете на лицето и ќе масирате со нежни движења со рацете.
Бидете внимателни кога сами ги правите маските за лице, секогаш прво тестирајте на мал дел од кожата за да видите како ќе реагира. Ако сте алергични на мед и прополис, тоа може да предизвика црвенило на телото и оток.