Манга уметникот Казуки Такахаши, најпознат како креатор на цртаната серија Yu-Gi-Oh (и популарната игра со карти на која се базира), почина, јавуваат јапонските медиуми.
Според NHK, преку приказна на англиски јазик во Japan Times, телото „било пронајдено како лебди додека носел опрема за нуркање во водите кај Нага, префектурата Окинава, во средата наутро“. Официјални лица на јапонската крајбрежна стража во четвртокот потврдија дека телото му припаѓа на Такахаши и дека моментално ја „истражуваат причината за смртта“.
Казуки ја започна својата манга кариера во 1982 година и во следните 14 години се бореше да постигне успех со титули како „Fighting Hawk“ и „Tennenshoku Danji Burai“. Меѓутоа, во 1996 година тој го објави Yu-Gi-Oh – серија за луѓе кои се борат со магични карти – а остатокот беше историја.
Покрај создавањето на мангата, Такахаши – кој имал одредено искуство во дизајнот на игри – ги дизајнирал и игрите со карти (првично наречени Magic & Wizards, но подоцна сменети во Duel Monsters) прикажани во самата серија, што по популарна побарувачка е првпат издадена во 1999 година како вистинска игра со карти во Јапонија од Konami и беше успешна. Серијата беше објавена во Америка во 2002 година, а и денес е популарна ширум светот.
Покрај серијата манга (која сега е продадена во десетици милиони копии) и играта со карти (која продаде десетици милијарди карти), Yu-Gi-Oh исто така инспирираше голем број други долготрајни анимирани серии, бројни филмови, изданија на книги и, се разбира, адаптации на видео игри. Најновата игра Yu-Gi-Oh, Master Duel, објавена претходно во 2022 година за PC, Switch, Xbox и PlayStation, во еден момент привлече над 200.000 истовремени играчи само на Steam, пренесува kotaku.com.