Коосновачот на Tesla, Илон Маск, ги пречека близнаците што ги имаше тајно со 36-годишната Шивон Зилис, еден од неговите врвни директори во Neuralink, во ноември 2021 година, објави Insider.
Во април годинава родителите побарале имињата на новороденчињата да се сменат со презимето на таткото и да се вметне презимето на мајката како дел од средното име, според судските документи до кои дојде веб-страницата.
Сеуште не е познат полот на децата, но потценување е да се каже дека Сивон ја заинтригира јавноста.
Шивон е родена во Канада и одела на Универзитетот Јејл, каде што била голман во хокејскиот тим на училиштето. Таа живеела во Сан Франциско пред да се пресели во Остин, Тексас.
По дипломирањето на Универзитетот Јејл, Шивон работеше во IBM, а подоцна стана ко-основач на Bloomberg Beta, проверувајќи ги стартапите за машинско учење, на крајот се пресели во Neuralink, работејќи како проект директор во канцеларијата на извршниот директор.
Според нејзиниот профил на LinkedIn, таа моментално е директор за операции и специјални проекти во компанијата, која Маск ја основа од 2016 година.
Таа се приклучи на OpenAl, организација основана од Маск, како советник, а подоцна стана член на одборот во 2016 година. Маск го напушти одборот во 2018 година.
Зилис има работено на повеќе проекти на Ал за компанијата Тесла на Маск, од дизајн на автопилот до дизајн на чипови, а според нејзината биографија на Твитер, Зилис е заинтересирана за вештачка интелигенција, биолошка интелигенција и сè помеѓу и пошироко.
Во 2021 година, таа ги сподели своите планови да развие вештачка интелигенција во светот на најдобар можен начин додека зборуваше на канадска конференција за додипломски студии.
– Ако размислите за тоа, секоја компонента на вашата реалност, сè што некогаш сте допреле, секое сеќавање што некогаш сте го имале, сè што некогаш сте почувствувале, сето тоа се само сигнали што произлегуваат од вашиот мозок и така кога зборуваме за создавање платформа за директно поврзување со мозокот, имате потенцијал едноставно да модулирате буквално сè – рече тогаш Зилис.