Професорот по биохемија, Лук О’Нил истакнува дека ноќното потење е симптом кој укажува на корона вирус.
Тој предупреди дека новоидентификуваната варијанта BA.5, сега доминантна омикронска подваријанта ширум светот, може да го влоши сонот.
Експерт од колеџот Тринити објасни како „променетиот“ вирус сега покажува нови и различни симптоми, кои многумина не би ги препознале како КОВИД.
Во изјава за „Irish Newstok“, професорот од Даблин рече: – Еден дополнителен симптом за ВА.5 што го видов утрово е ноќното потење.
Сите се потат по малку навечер, но обилното ноќно потење е друга работа.
Тоа значи толку многу што вашите пижами и постелнина остануваат натопени, истакнуваат од Националната здравствена служба.
Возрасните и децата може да добијат ноќно потење, што може да се случи дури и ако вашата соба е на ниска температура.
Професорот О’Нил предупреди дека најновиот симптом е „уште еден неочекуван проблем“, како резултат на судирот на новиот вирус со имунолошкиот систем, што доведува до „различна болест“.
Тој нагласи дека иако сегашните вакцини сè уште нудат „добра заштита“, ќе бидат воведени нови вакцини пред очекуваниот зимски бран на Ковид.
Тој објасни: – Како и грипот, вакцината ќе ја смените врз основа на варијантата што е таму во тоа време – пренесува „thesun.co.uk“.