Здравиот однос меѓу двајца се заснова на почит и во него двете страни треба да бидат еднакви. Ако ви ја одземе слободата на кој било начин, нема „Р“ од рамноправност.
Подолу ви откриваме три јасни знаци дека вашиот партнер не знае до каде се неговите граници и дека има проблем со контролата.
Критикува сè што правите
Често ве критикува. Ништо што правите не е добро. Честопати овие критики доаѓаат под превезот „ви го посакува само најдоброто“. Тоа оди дотаму што можеби се обидува да ве научи како правилно да држите вилушка или нешто подеднакво тривијално. На овој начин се обидува да ви ја наметне својата контрола.
Не ве поддржува
Човек кој е несигурен во себе, а такви се „контролни фриковите“, нема да ве поддржи во ништо. Згора на тоа, ќе се обиде на секој начин да ви ја уништи самодовербата и да ве засрами ако, на пример, се запишете на некој курс или се вратите на факултет за да го завршите. Нему му е важно да е подобар од вас во секој поглед. Тоа го храни.
Ви кажува што да правите со вашето тело
Без разлика дали сугерира што треба да јадете, постојано ви кажува дека треба да изгубите тежина, ве поттикнува да се занимавате со танцување на шипка, ви забранувате да се шишате или да се тетовирате, вашиот сакан има сериозни проблеми. Ништо од тоа не е негова работа.